O Dios, pagpalain ninyo ang aming bayang nasa krisis ngayon.

Pagalingin Mo ang mga sugat ng aming lipunan. Pag-isahin ang tahimik na nakararaming naghihintay ng katotohanan, katarungan at kapayapaan.

Bigyan Mo kami ng lakas at talino upang ipaglaban ang kapakanan ng nakararami. Tulungan Mo kaming isara ang pinto ng pugad ng kasamaan.

Maibalik nawa ang plano ng Dios sa amin sa tulong ng Iyong liwanag, pagmamahal at grasya.